ქართველი მომღერალი სოფო ხალვაში1986 წლის 31 მაისს ქალაქ ბათუმში დაიბადა. ჰყავს მამა – ჯემალი ხალვაში, დედა – მედეა ვასაძე და და – ნათია ხალვაში. სოფო 1992 წელს ქალაქ ბათუმის 1 კლასიკურ გიმნაზიაში შევიდა. იმავე წელს სწავლა ექსპერიმენტალურ სკოლაში განაგრძო, სადაც ფორტეპიანოსა და ჰობოის სპეციალობას ეუფლებოდა.

1999 წელს საკარავიერო სკოლის საფორტეპიოანო განყოფილების I ხარისხის დიპლომი მიიღო.

2002 წელს მომღერალი ბათუმის ზ.ფალიაშვილის სახელობის სამუსიკო სასწავლებელში ჩაირიცხა. ერთი წლის შემდეგ მან მონაწილეობა პიანისტთა საერთაშორისო კონკურსში მიიღო და ვერცხლის მედლის და მეორე ადგილის მფლობელი გახდა.

2004 წელს სოფო მუსიკალური კონკურსისის „ნუცას სკოლა", პირველი ადგილის მფლობელი გახდა. იმავე წლის ნოემბერშიქალაქ თბილისში საერთაშორისო ფესტივალი „ოქროს ვარდი" ჩატარდა, სადაც სოფო მეორე ადგილზე გავიდა.

2006 წელს მან იურმალაში, ლატვიაში, სიმღერის კონკურსში მიიღო მონაწილეობა და მესამე ადგილი მოიპოვა. ფესტივალმა „ახალი ტალღა" მომღერალს პოპულარობა არა მარტო სამშობლოში არამედ მის ფარგლებს გარეთაც მოუტანა… სწორედ ამიტომ მომდევნო წლებში „ახალი ტალღა 2007"-ზე საპატიო სტუმრის სტატუსით იყო მიწვეული. სადაც „ახალი ტალღა 2006"-ის მეორე ადგილის მფლობელთან, იტალიელ ჯანი ფიორელინოსთან ერთად, დუეტში სიმღერა „Parolle" შეასრულა.

„ახალი ტალღა 2008" -ზე  სოსო პავლიაშვილთან ერთად სოფომ სიმღერა „Cose Della Vita" შეასრულა.

სოფოს სადებიუტო ალბომი (რომელშიც ორიგინალი სიმღერებია შესული), ლონდონში ჩაიწერა. მომღერალს ჰყავს ქმარი-მიხეილ ძოძუაშვილი და ქალიშვილი.