იმის და მიუხედავად, რომ მსახიობი შესაძლოა ციხეში მოხვდეს, ლინდსი მაინც თავის უდანაშაულობას ამტკიცებს. შეგახსენებთ, რომ ლოჰანს დანაშაულის აღიარებისთვის 25 მარტამდე მისცეს დრო. ვადა გასულია, მაგრამ ლინდსი უარს აცხადებს ამ შემოთავაზებაზე. როგორც სანდო წყაროები იუწყებიან, ლინდსი რამოდენიმე დღის წინ შეხვდა თავის იურისტს, რომელმაც მსახიობს სხვადასხვა ვარიანტები შესთავაზა. ლინდსი მაინც არ იშლის და ამბობს, რომ მას არ მოუპარავს არაფერი და რომ ამას სასამართლო დაადგენს. ლინდსის ახალი მოსამართლე დაუნიშნეს – სტეფანი სოტნერი, რომელიც საკმაოდ მკაცრ მოსამართლედ ითვლება, მაგრამ სამართლიანია. საქმის მოსმენა დანიშნულია 22 აპრილს. არის საშიშროება, რომ 22 აპრილამდე, ლინდსი მაინც ჩასვან ციხეში. მაგრამ, თუ ლოჰანი დაამტკიცებს თავის უდანაშაულობას და მოსამართლე აპატიებს მას გამოსაცდელი ვადის დარღვევას, ყოვლად შესაძლებელია სასამართლოდან ლინდსი თავისუფალი გამოვიდეს.