პოპ-ვარსკვლავმა ლედი გაგამ მომღერალ ემი უაინჰაუსის შესახებ ბიოგრაფიულ ფილმში ემის როლის შესრულების სურვილი გამოთქვა.
"ლედი გაგა ემის თაყვანისმცემელია და კერპის ეკრანზე გაცოცხლება მისი სანუკვარი ოცნებაა. ის შესანიშნავად შეასრულებს ემის როლს, გარეგნული მონაცემებიც ხელს უწყობს და შესრულების აგრესიული მანერაც", - განაცხადა პორტალ mignews.com-ის ერთ-ერთმა წყარომ.
ლედი გაგა კინოკარიერაზე ყოველთვის ოცნობებდა. ის აგენტების მიერ შეთავაზებულ უამრავ სცენარსაც გაეცნო, თუმცა ეპატაჟურმა მომღერალმა დღემდე ვერც ერთი როლი ვერ "მოირგო".
ემი უაინჰაუსის შესახებ ფილმში მთავარი როლის სავარაუდო შემსრულებლად ადრე კირა ნაიტლი დასახელდა.
