რამდენიმე დღის წინ ბიონსემ საჯაროდ მოყვა, თუ როგორ განკურნა დედამ ვარსკვლაური დაავადებისგან. პრესის წარმომადგენლებისთვის მიცემულ ინტერვიუში ბიონსემ განაცხადა, რომ დიდების სხივები 15 წლის ასაკში შეიგრძნო. იმ პერიოდში მომღერალი გოგონების კვარტეტში „Destiny's Child“ მღეროდა. „მახსოვს, გამოვიდა თუ არა ჩვენი პირველი სინგლი, მეგონა რომ ძალიან მაგარი იყო. მეჩვენებოდა, რომ მეგაპოპულარული ვიყავი და თავი ზევით მქონდა აწეული. ერთხელ, მე და დედა მუსიკალურ მაღაზიში შევედით და სიმღერა მომინდა. ყველა, ვინც კი იყო დაწესებულებაში მე მიყურებდა. „შემომხედეთ, მე ხომ ბიონსე ვარ!“. მაშინ დედამ შემაჩერა... მაშინ ნამდვილად ვხედავდი ჩემს თავში ვარსკვლავს“ - იხსენებს ვარსკვლავი. შემდეგ დედამ გოგონა მანქანაში ჩასვა და აუხსნა, რომ მისთვის სულერთი იყო, თუ რას მღეროდა იგი და რა ტრიალებდა რადიოში: „შენ ჩემი ქალიშვილი ხარ და უფლებას არ მოგცემ თავს უპატივცემულოდ მოეპყრა!“
