მომღერალი შაკირა და მისი საყვარელი, ფეხბურთელი ჟერარ პიკე სასიყვარულო ურთიერთობას აღარ მალავენ. წყვილი დიდი ხნის მანძილზე ჩუმად ხვდებოდა ერთმანეთს. ამ დღებში კოლუმბიურ ჟურნალ Caras-ს გარეკანზე რომანტიკული ფოტო დაიბეჭდა, სადაც შაკირა და პიკე ერთმანეთს კოცნიან. მათ ერთმანეთი შარშან გაზაფხულზე კლიპ Waka Waka-ს გადაღებების დროს გაიცნეს. მიუხედავად იმისა, რომ მას შემდეგ წყვილს ერთად ხშირად ხედავდნენ, შაკირა სასიყვარულო ურთიერთობას უარყოფდა და აცხადებდა, რომ ჟერარი მისი მეგობარია. თუმცა თებერვალში პიკემ ინტერნეტში საკუთარ ვებ-გვერდზე დაბადების დღეზე გადაღებული ფოტოები გაავრცელა, რომელსაც შაკირაც ესწრებოდა. მათ ფარული შეხვედრები უკვე მობეზრდათ. შეგახსენებთ, რომ იანვარში საკუთარ საიტზე შაკირამ განაცხადა, რომ ხანგრძლივი რომანის შემდეგ არგენტინის ექს-პრემიერის ვაჟს დაშორდა. "11 წლის მანძილზე ჩვენ ძალიან გვიყვარდა ერთმანეთი, ვზრუნავდით ერთმანეთზე, ეს ყველაზე ბედნიერი დრო იყო ჩვენს ცხოვრებაში", - წერდა შაკირა. იხილეთ ვიდეო
| 
