რობი უილიამსი გამოსწორების გზას დაადგა. 36 წლის ასაკში მან ყველაფრის თავიდან დაწყება გადაწყვიტა: გათავისუფლდა მავნე ჩვევებისგან, დაქორწინდა და ჯგუფს „Take That" დაუბრუნდა. ჯგუფის წევრებთან ერთად დიდ ბრიტანეთში საგასტროლე ტურნეზეც იმყოფება და წარმატებებიც არ აკლია. ჯგუფის ახალი ალბომი „Progress" კი, მის სოლო-ნამუშევრებთან შედარებით გაცილებით პოპულარულია.

თუმცა, ეს ყველაფერი არ არის. ცოტა ხნის წინ რობიმ დიზაინერობაც გადაწყვიტა და ახალი მეგობარი - ძაღლიც კი შეიძინა. მისი კოლეგებისგან განსხვავებით, რომლებიც დიდ ძაღლებს ანიჭებენ უპირატესობას, მომღერალმა პატარა, მომხიბლავი ბალონკა აიყვანა.