ევროპული MTV-ის დაჯილდოვებაზე ლედი გაგამ, რომელიც 6 ნომინაციაში წარადგინეს, 4 ჯილდო მიიღო. მან უკან ჩამოიტოვა ბიონსე, ჯენიფერ ლოპესი, კეტი პერი. დაჯილდოვების ცერემონია ბელფასტში, ჩრდილოეთ ირლანდიაში გაიმართა.
ეპატაჟურმა ვარსკვლავმა, რომელიც შოუების დადგმით გამოირჩევა, ამჯერად კოსმიური თემა აირჩია. ლედი გაგამ არც ახლა უღალატა თავის სტილს და საზოგ ადოება თავისი სამოსით შოკში ჩააგდო.
მაგალითად ერთ-ერთი კაბა, რომელიც ლედი გაგას ეცვა, რკინისგან ი ყო შექმნილი და ძალიან ჰგავდა სატელიტს. მისი ბოლო მთლიანად ფარავდა მომღერლის სახეს. ჯილდოს აღების შემდეგ ამასთან დაკავშირებით მომღერალმა კომენტარიც გააკეთა.
"მე ახლა ვიღიმები, უბრალოდ თქვენ ამას ვერ ხედავთ - ძალიან ბევრი ბოტოქსი გამიკეთეს. ჩემთვის დიდი პატივია თქვენს წინაშე გამოსვლა. მადლობა!" - განაცხადა მომღერალმა.
გაგას გამოსვლას ინციდენტის გარეშე არ ჩაუვლია. მომღერალი მთვარის მსგავს მაკეტზე დადიოდა, როცა უეცრად ფეხი დაუცურდა და პირდაპირ ჟ იურის წინ დავარდა.
მაყურებლების წინაშე არაერთი ვარსკვლავი წარსდგა. მამაკაცებს შორის უდაო ლიდერად თინეიჯერი მომღერალი ჯასტინ ბიბერი დაასახელეს, რომელმაც სამ ნომინაციაში გაიმარჯვა. მასთან ერთად იმყოფებოდა მისი მეგობარი სელენა გომესი, რომლის ცეცხ ლოვანმა ნომერმა მაყურებელი ძალიან ააღელვა.
ძალიან წარმატებული და ამაღელვებელი იყო როკ-ჯგუფმა Queen-ის გამოსვლა, რომელიც წელს "სცენის კულტად" აღიარეს. ჯგუფმა რამდენიმე ჰიტი შეასრულა. მათ შორის ყველაზე დიდი აჟიოტაჟი We Will Rock You და We Are the Champions-ს მოყვა, ამ სიმღერებს მთელი დარბაზი აჰყვა.
მონაწილეებმა და მაყურებლებმა პატივი მიაგეს გარდაცვლილ მომღერალ ემი ვაინჰაუზსაც, რომლის პატივსაცემად პატარა ვიდეორგოლიც გავიდა.
ჯილდოები კი ასე გადანაწილდა: საუკეთესო შემსრულებელი ქალი - ლედი გაგა
საუკეთესო სიმღერა - ლედი გაგა ( Born This Way)
საუკეთესო ვიდეორგოლი - ლედი გაგა ( Born This Way)
საუკეთესო შემსრულებელი მამაკაცი - ჯასტინ ბიბერი
საუკეთესო პოპ-შემსრულებელი - ჯასტინ ბიბერი
საუკეთესო ახალი სახე - ბრუნო მარსი
საუკეთესო როკ-შემსრულებელი - Linkin Park
საუკეთესო ალტერნატიული ჯგუფი - 30 Seconds to Mars
საუკეთესო ჰიპ-ჰოპ შემსრულებელი - ემინემი
საუკეთესო ცოცხალი შესრულება - კეტი პერი
საუკეთესო საერთაშორისო გამოსვლა - 30 Seconds to Mars
საუკეთესო შოუ ჩრდილოეთ ამერიკაში - ბრიტნი სპირსი
საუკეთესო საერთაშორისო არტისტი - Big Bang
მსოფლიო კულტი - Queen
MTV-ს რჩეული - ჯასტინ ბიბერი
წყარო/Source:
http://www.ambebi.ge/kultura/43830-mtv-ema-2011-is-favoriti-kvlav-ledi-gagaa.html#ixzz1eXZopANw
| 
