სტეფანი მეიერის გახმაურებული ფენტეზის ”ბინდის” ჰოლივუდში გადაღებულმა ფილმმა უმალვე დაიპყრო ახალგაზრდების გული. ამის ერთ-ერთი მიზეზი, არაჩვეულებრივი სამსახიობო ქასტი და საუნდრეკის ძალიან ცნობილი ავტორები გახდნენ. მათ შორის ერთ-ერთი იყო ”Muse”, რომელიც აგერ უკვე სამი სეზონია ”ბინდის” სახეა. ისინი მეოთხე სეზონის მთავარი საუნდრეკის ავტორებიც გახდებიან.
”ბინდის” პირველი სეზონი, ნამდვილი აღმოჩენა იყო თინეიჯრებისთვის და არა მხოლოდ მათთვის. უამრავი ზრდასრული და მოხუცებული ადამიანი დადიოდა ამ ფილმის სანახავდ კინოთეატრებში. ამ ფილმის პირველ სეზონისთვის MUSE-მ ეპიზოდური საუნდრეკი ჩაწერა სახელწოდებით : "Supermassive Black Hole”
კიდევ უფრო წარმატებული გამოდგა ”ბინდის საგა - ახალი მთვარე”. ამ ფილმის გამოსვლას დაახლოებით 1 წლის განმავლობაში მოუთმენლად ელოდა სრულიად მსოფლიო. Muse-მ ამ სეზონშიც ეპიზოდური საუნდრეკი შექმნა სახელწოდებით: ”I belong to you".
მესამე სეზონი ”ბინდის” ისტორიაში ნამდვილი საოცრება იყო. ამ ფილმის დასასწრებად ბილეთები 5 თვით ადრე იჯავშნებოდა. ”ბინდის საგა - დაბნელება” ”ჰოლივუდის რეკორდსმენი გახდა ადამიანების დასწრების რაოდენობით. ამ ფილმის მთავარი საუნდრეკი კი Muse-მ ჩაიბარა სახელწოდებით : "Neutron star collision" , რომელიც გამოსვლის დღიდან ჰიტი გახდა.
შეგახსენებთ, რომ ”ბინდის საგა - აისი” რეჟისორებმა ორ ნაწილად დაყვეს. Muse ჯერ-ჯერობით მხოლოდ და მხოლოდ პირველი ნაწილის ”საუნდრეკს” შექმნის. პირველი ნაწილის პრემიერა 2011 წლის ნოემბერში იგეგმება.
