ლედი გაგა ბოლო წლებია უზარმაზარი პოპულარობის სანაცვლოდ დიდ ხარკს იხდის. მის პირად ცხოვრებაში ყველა ერევა, ვისაც არ ეზარება. შემსრულებლის ნებისმიერი ნაბიჯი, თუ ახალი მეგობარი მამაკაცი / ქალი კონტროლდება აბეზარი პაპარაცების მიერ.

ამჯერად გაგას პლაგიატში ადანაშაულებენ. როგორც ამბობენ, მან ენი ლენოქსის იმიჯი მიისაკუთრა, როდესაც Video Music Awards-ზე კოსტიუმში, მოკლედ შეჭრილ თმასა და სიგარით ხელში გამოჩნდა.

ენი ლენოქსმა და ჯგუფმა Eurythmics დაახლოებით იგივე სტილში შეასრულა სიმღერა "Sweet Dreams” 1984 წელს ”გრემის” დაჯილდოების ცერემონიალზე.

ამ დროისათვის არც ენისა და არც გაგას კომენტარი არ ვრცელდება. საეჭვოა, ეპატაჟური ქალბატონი მსგავსმა მითქმა-მოთქმამ დიდად გააღიზიანოს - მგონი უკვე შეეჩვია კიდეც.