გუშინ, ბათუმში ჩადენილი საქციელისათვის ენრიკე იგლესიასი კანონის სრული სიმკაცრით დაჯარიმდება. შეგახსენებთ რომ ბათუმში გამართული კონცერტის მსვლელობისას ენრიკე იგლესიასმა სცენაზე აიყვანა ქართველი გოგონა, რომელსაც ჯერ საჯაროდ ეფერა, ჩაეხუტა და შემდეგ კი ტუჩებში აკოცა! მიუხედავად იმისა რომ მაყურებლები ოვაციებით ხვდებოდნენ აღნიშნულ ქმედებას, ენრიკე იგლესიას ჩადენილი საქციელი საქართველოში დასჯადია.
საქართველოს ადმინისტრაციულ სამართალდარღვევათა კოდექსის 171–ე მუხლის მიხედვით "საზოგადოებრივი ზნეობის შეურაცხმყოფ მდგომარეობაში ყოფნა, - გამოიწვევს გაფრთხილებას ან დაჯარიმებას შრომის ანაზღაურების ორ მინიმალურ ოდენობამდე".
ჯერ ჯერობით უცნობია სამართალდამცავები მხოლოდ გაფრთხილებით შემოიფარგლებიან თუ დააჯარიმებენ ენრიკეს. ასევე თვითმხილველები საუბრობენ რომ სახელმწიფო დაცვის თანამშრომლები ენრიკეს უყვიროდნენ "წესიერად!"-ო, მაგრამ სავარაუდოდ ენრიკემ ეს ან ვერ გაიგო ან არ გაითვალისწინა.
გოგონას ნათესავები kი აცხადებენ რომ რამეთუ ასეთი საქციელის შემდეგ გოგონას გათხოვება უკვე წარმოუდგენელია, ენრიკემ ის ცოლად უნდა მოიყვანოს.
|
