პიტი დაიბადა შაუნეეში, ოკლაჰომაში, ჯეინ ეტასა (საშუალო სკოლის კონსულტანტი) და უილიამ ალვინ პიტის (სატვირთო მანქანების კომპანიის მფლობელი) ოჯახში. იგი ძმასთან დუგთან და დასთან ჯულიე ნილთან ერთად, იზრდებოდა სპრინგფილდში, მისურიში, სადაც მისი ოჯახი მას შემდეგ გადავიდა, როდესაც პიტი გაჩნდა. პიტი ეკლესიურად იზრდებოდა. ის სწავლობდა კიკაპოოს საშუალო სკოლაში, სადაც იგი აქტიურად მონაწილეობდა დებატებში, სპორტში, სტუდენტურ მმართველობაში და თეატრში. შემდეგ მან სწავლა განაგრძო მისურის უნივერსიტეტში, ჟურნალისტიკის ფაკულტეტზე. ის არის სიგმა ჩი-ს ძმობის წევრი.

1988 წელს, პიტმა ითამაშა პირველად მთავარი როლი ფილმში "მზის ბნელი მხარე" (The Dark Side of the Sun), სადაც ის თამაშობს ახალგაზრდა ამერიკელს, რომელიც ოჯახმა წაიყვანა ადრიატიკში რათა განეკურნათ კანის დაავადებისგან. ფილმი გადაღებულია იუგოსლავიაში, 1988 წლის ზაფხულში. ფილმის გადაღებები უკვე სრულდებოდა, როდესაც ომი დაიწყო და უმეტესობა გადაღებული კადრების დაიკარგა; ფილმი წლების შემდეგ გამოვიდა. პიტმა შემდეგ მონაწილეობა მიიღო სატელევიზიო ფილმში "ახალგაზრდა სიკვდილისთვის? (Too Young to Die?), ფილმი მოგვითხრობდა გაფუჭებულ თინეიჯერზე, რომელსაც მკვლელობის გამო სიკვდილით დასჯა მიუსაჯეს. პიტმა აგრეთვე ითამაშა ნარკომანი, ბილი კანტონი, სადაც პარტნიორობას ჯულიეტ ლიუისი უწევდა.

პიტმა პუბლიკის ყურადღება მიიპყრო მეორე ხარისხოვანი როლით ფილმში ტელმა და ლუიზა, სადაც იგი თამაშობდა კრიმინალს, რომელიც დამეგობრდება ტელმასთან (ჯინა დევისი). მისი სასიყვარულო სცენა დევისთან, სადაც პიტი გვევლინება წელს ზევით შიშველი, კოვბოის ქუდში, განიხილება როგორც "სიმბოლური", რომელიც ხშირად მოწმობს და საზღვრავს პიტს როგორც "სექს სიმბოლოს".

ტელმა და ლუიზას შემდეგ, პიტმა კეტრინ კინერთან და ნიკ კეივთან ერთად ითამაშა ტომ დიკილიოს მცირე ბიუჯეტიან ფილმში, ჯონი სუედე (1991). მან შეასრულა უცნაური მეოცნების როლი რომელიც მიისწრაფვის რომ გახდეს ცნობილი როკერი. "ცივი მსოფლიოს" შემდეგ პიტმა ითამაშა რობერტ რედფორდის ფილმში "A River Runs Through It", 1992 წელს. 1993 წელს ითამაშა ფილმში კალიფორნია, სადაც იგი თამაშობდა სერიული მკვლელის როლს, ჯულიეტ ლიუსთან და დევიდ დუხოვნისთან ერთად.

1994 წელს პიტმა ითამაშა ვამპირ ლუი დე პოინტე დუ ლაკის როლი, ანნ რაისის ნოველაში "ინტერვიუ ვამპირთან". მას უწევდა 18-ე საუკუნის ვამპირის როლის განსახიერება, რის გამოც საათობით უნდებოდა გრიმის გაკეთებას, რათა მისი კანი სულ თეთრი ყოფილიყო. პიტს უწევდა მწვანე კონტაქტური ლინზების ტარება და აგრეთვე ეშვების. პიტთან ერთად ფილმში მონაწილეობდნენ, 11 წლის კირსტენ დანსტი, ტომ კრუზი, ანტონიო ბანდერასი და კრისტიან სლეიტერი. ამ ფილმის შემდეგ მან ითამაშა "შემოდგომის ლეგენდებში" და "შვიდში". შვიდში პიტი თამაშობდა მორგან ფრიმანთან ერთად, დეტექტივის როლს რომელიც დასდევს სერიულ მკვლელს კევინ სპეის. პიტი ნომინირებული იყო ოსკარზე, საკუეთესო მეორეხარისხოვანი როლისთვის ფილმით თორმეტი მაიმუნი (1995).

1997 წელს, პიტმა ითამაშა ჰარისონ ფორდთან ერთად ფილმში "The Devil's Own", IRA-ს ტერორისტის რორი დევანის როლი, სადაც მას მოუწია ირლანდიური აქცენტით საუბარი. იმავე წელს მას მოუწია ავსტრალიელი მთასვლელის ჰეინრიჰ ჰარერის როლის შესრულება, ფილმში "შვიდი წელი ტიბეტში". პიტი თვეობით ვარჯიშობდა ამ როლისთვის, მასთან ერთად მოთამაშე დევიდ თეუილსთან ერთად. ამ ფილმის გამო, ჩინეთის ხელისუფლებამ, პიტს და თეულისს აკურძალეს სამუდამოდ ჩინეთში შესვლა.

1998 წელს პიტმა შეასრულა მთავარი როლი, ფილმში "შეხვდით ჯო ბლექს". ფილმა პიტს კვლავ მისცა საშუალება ეთამაშა სერ ენტონი ჰოპკინსთან ერთად, რომელთან ერთადაც მან უკვე ითამაშა ფილმში "შემოდგომის ლეგენდები". 1999 წელს პიტმა ითამაშა ფილმში "მებრძოლთა კლუბი".

2000 წელს პიტმა ითამაშა ფილმში "ჯაშუშთა თამაში", სადაც მას პარტნიორობას უწევდა ვეტერანი მსახიობი რობერტ რედფორდი, რომელიც მისი მასწავლებლის როლს ასრულებდა. 2001 წელს პიტმა ითამაშა თავის დიდი ხნის მეგობართან ჯულია რობერტსთან ერთად ფილმში "მექსიკელი". წლის დასასრულს კი დაასრულა გადაღებები "ოუშენის 11 მეგობრის"; ფილმი წარმოადგენს 1960 წლის რიმეიკს, რომელშიც ფრენკ სინატრა თამაშობდა.

ამის შემდეგ მან მრავალ ფილმში ითამაშა, მათ შორის "ოუშენის 12 მეგობარი", "ტროა". 2005 წელს კი ითამაშა ფილმში "მისტერ და მისის სმიტი", სადაც მას პარტნიორობას უწევდა ანჯელინა ჯოლი; ისინი მკვლელი ცოლ - ქმრის როლს ასრულებდნენ.

2006 წლის მარტში, ცნობილი გახდა რომ პარამოუნდმა იყიდა უფლებები ფილმ "ისრის" გადაღების, პიტის საპროდუსერო კომპანიის პლან ბ-სთან ერთად, და პიტი ითამაშებს მთავარ როლს. 2006 წლის ივნისში, ცნობილი გახდა რომ პარამოუნდმა და პლან ბ-მ დაიწყო მუშაობა ახალ ფილმზე სახელწოდებით "World War Z". პიტი 2006 წელს ჰოლივუდში დაბრუნდა ფილმით ბაბელი, სადაც კეიტ ბლანშეტთან ერთად თამაშობდა. ფილმა მოიპოვა ერთი ოსკარი და ჯამში 7 ნომინაცია, აგრეთვე ნომინირებული იყო ოქროს გლობუსზე, მათ შორის ბრედ პიტი, მეორეხარისხოვანი როლისთვის. იმავე წელს პიტმა პროდუსირება გაუკეთა ფილმს " The Departed", რომელმაც მოიპოვა ოსკარი საუკეთესო ფილმისათვის. 2005 წელს პიტმა პროდუსირება გაუკეთა და ამავე დროს ითამაშა მთავარი როლი ფილმში "ჯესი ჯეიმსის მკვლელობა", მაგრამ ფილმი 2007 წლამდე არ გამოსულა.

პიტი "მეგობრების" ვარსკვლავს ჯენიფერ ენისტონს შეხვდა 1998 წელს და მათი ქორწილი შედგა მალიბუში, 2000 წლის 29 ივლის. მათი ცერემონია დახურული იყო, მხოლოდ ერთი სურათი დაიბეჭდა ჟურნალებში მათი ქორწილის ამსხაველი. ქორწინებიდან მალევე, პიტმა უჩივლა დამიანი ინტერნაციონალს, რომელმაც გამოუშვა ისეთივე ბეჭედი, რომელიც საქორწილოდ აჩუქა ბრედმა ჯენიფერს, სახელად "ბრედი და ჯენიფერი". პიტის თანახმად, ბეჭედი მისი მოფიქრებული დიზაინით იყო გაკეთებული და ის იყო ექსკლუზიური.

ჯენიფერის და პიტის ქორწინებამ 4 წელი გასტანა, ამ დროის განმავლობაში ხშირად იყო ჭორები მათი დაშორების შესახებ. პიტი ჯენიფერს ოფიციალურად 2005 წელს გაეყარა. როდესაც პიტის და ანისტონის ქორწინება უკვე ბოლო დღეებს ითვლიდა, ის და მსახიობი ანჯელინა ჯოლი გაეხვიენ საყოველთაო სკანდალში, სადაც ანჯელინას ხშირად მოიხსენიებდნენ როგორც "სხვა ქალს". იმ დროს როდესაც ჯოლი და პიტი უარყოფდნენ თავიანთ ურთიერთობებს, სპეკულაცია ამ თემაზე მაინც მიდიოდა 2004 და 2005 წლების განმავლობაში. ჯოლიმ 2005 წლის ივნისში, ინტერვიუ მისცა ანნ კურის. სადაც განაცხადა: "იყო ურთიერთობაში ცოლიან კაცთან, როდესაც ჩემი საკუთარი მამა ღალატობდა დედაჩემს, ეს ის არის რასაც ჩემ თავს ვერ ვაპატიებდი. დილაობით ჩემ თავს ვერ შევხედავდი, თუ ამას გავაკეთებდი. მე ვერასდროს შევხედავ იმ მამაკაცს, რომელიც ცოლს ღალატობს".

ანისტონმა გაყრის შესახებ განცხადება 2005 წლის 25 მარტს შეიტანა, ხოლო 2005 წლის 2 ოქტომბერს ოფიციალურად გაშორდნენ პიტი და ენისტონი ერთმანეთს.

ერთი თვის შემდეგ, მას მერე რაც ანისტონმა შეიტანა დოკუმენტი გაყრის შესახებ, 2005 წლის აპრილს, პაპარაცების მიერ იქნა გადაღებული სურათები, რომელიც ადასტურებდა იმ ჭორს, რომელიც არსებობდა ბრედ პიტსა და ანჯელინა ჯოლის შორის. ფოტოებზე, რომელიც გაიყიდა 500 000 დოლარად, ნაჩვენები იყო პიტი, ჯოლი და მისი შვილი მედოქსი სანაპიროზე, კენიაში. ზაფხულის განმავლობაში, წყვილს სულ უფრო და უფრო ხშირად ხედავდნენ ერთად, რის მერეც მედიამ მათ "ბრანჯელინა" შეარქვა. ორი თვის შემდეგ, პიტი და ჯოლი უკვე პოზიორობდნენ კამერების წინ როგორც წყვილი.

2005 წელს, პიტი ჯოლის წაყვა ეთიოპიაში, სადაც ანჯელინამ მეორე ბავშვი იშვილა, ექვსი თვის გოგონა ზაჰარა, მოგვიანებით ანჯელინამ თქვა რომ ამ ბავშვის შვილად აყვანა მან და პიტმა ერთად გადაწყვიტეს. 2005 წლის დეკემბერში, ცნობილი გახდა რომ პიტი ცდილობდა ლეგალურად ეშვილა ანჯელინას ორი შვილი. 2006 წლის 19 იანვარს, მოსამართლემ დართო ნება პიტს ბავშვების შვილად აყვანა და ბავშვების გვარი შეიცვალა ჯოლი-პიტად. 2006 წლის 11 იანვარს, ჯოლიმ ჟურნალ "ფიფოლ"-ს დაუდასტურა რომ იგი იყო ფეხმძიმედ პიტისგან. 2006 წლის 27 მაისს, ჯოლიმ ქვეყნად მოავლინა გოგონა შაილო ნუველ ჯოლი პიტი, რომელიც ნამიბიაში გააჩინა. პიტმა დაადასტურა რომ მათ ახალგაჩენილ შვილს ექნება ნამიბიური პასპორტი, ჯოლიმ კი გადაწყვია ბავშვის სურათები გაეყიდა, ვიდრე ბავშვი სამიზნე ყოფილიყო პაპარაცების. ჟურნალმა "ფიფოლ" 4 მილიონ დოლარზე მეტი გადაუხადა სურათებისთვის, ხოლო ბრიტანულმა ჟურნალმა "ჰელოუმ" 3,5 მილიონი დოლარი. ჯამში თანხამ 10 მილიონი დოლარი შეადგინა. მთელი თანხა ჯოლი-პიტის საქველმოქმედო ფონდს გადაეცა.

2007 წლის 15 მარტს, ჯოლიმ შვილად აიყვანა სამი წლის ბიჭუნა ვიეტნამიდან პაქს თიენ ჯოლი-პიტი. ვინაიდან ობოლთა თავშესაფარი, არადაქორწინებულ წყვილს არ აძლევს საშუალებას ბავშვის აყვანის, ჯოლიმ იგი მარტო იშვილა, ხოლო პიტმა მოგვიანებით იშვილა ლეგალურად.