ბინდი (რომანი) 

ბინდი - პირველი წიგნი სერიიდან ბინდი, რომელიც შექმნა ამერიკელმა მწერალმა სტეფანი მაიერმა. რომანში მოთხრობილია 17 წლის იზაბელა სუონისა და ვამპირ ედვარდ კალენის სიყვარულის ისტორია. წიგნი გამოვიდა 2005 წელს. მისი პირველი ტირაჟი გაიყიდა 100.000 ასლის სახით (შტატებში). რომანი იქცა XXI საუკუნის ერთ-ერთ პოპულარულ ფენტეზის ჟანრის ბესტსელერად.

ბელა სუონის დედას ახალი მეუღლე ჰყავს და ბელამ გადაწყვიტა, დედისგან ცალკე იცხოვროს. იგი ჩამოვიდა მამასთან, ფორკსში (ვაშინგტონი). პირველივე დღეს ახალ სკოლაში იგი საინტერესო წრეში ხვდება, გაიცნობს - ელისს, ჯასპერს, როზალის, ემმეთს და ედვარდ კალენს. ეს ახალგაზრდები ექიმ კარლაილ კალენისა და მისი მეუღლის, ესმეს მიერ არიან ნაშვილები. ბელა ძალიან დააინტერესდა ამ წრით, განსაკუთრებით, ედვარდით. 

ბიოლოგიის პირველივე გაკვეთილზე იგი ედვარდის გვერდით ჯდება და უკვირს, რომ ედვარდი მას ზიზღით უყურებს. ზარის შემდეგ იგი ქრება და რამდენიმე დღის განმავლობაში არ ჩნდება სკოლაში. შემდეგ კი, გამოჩენისთანავე, ესაუბრება ბელას, მაგრამ აფრთხილებს, რომ მათი მეგობრობა შეუძლებელია. თუმცა, მოხდება ისე, რომ უახლოეს პერიოდში იგი ბელას გადაარჩენს. 

ერთხელ ბელა მეგობრებთან ერთად ინდიელების რეზერვაციაში მიემგზავრება, სადაც ბავშვობის მეგობარს, ჯეიკობ ბლეიკს იხილავს. იგი მოუთხრობს ინდიელთა ლეგენდებს ცივებზე და მათზე, ვინც ცხოველთა სისხლს სვამენ. ასევე ცნობილი ხდება, რომ ბევრ ადამიანს სწამს, თითქოს კალენების ოჯახი ცივებს მიეკუთვნება. ადრე თუ გვიან ბელა ხვდება, რომ ედვარდი ვამპირია. 

პორტ-ანჟელესში მოგზაურობისას ბელა შეხვდება ხულიგნების ბანდას, რომლებიც არ ეშვებიან მას. მოულოდნელად ჩნდება ედვარდი, რომელიც კვლავ გადაარჩენს მას. კაფეში იგი გამოუტყდება ბელას, რომ შეუძლია ადამიანის ფიქრების ამოცნობა, ელისი მომავალს ხედავს, ხოლო ჯასპერს შეუძლია ადამიანისათვის ემოციების შთაგონება. რამდენიმე დღეში ედვარდი გამოუტყდება ბელას, თუ რატომ ექცეოდა უხეშად - ბელას სისხლი მისთვის მიმზიდველი იყო და მისი არომატი წყურვილის გრძნობას უჩენდა. იგი შესთავაზებს ბელას ბეისბოლის თამაშში მონაწილეობას (კალენებს უყვართ ეს თამაში ჭექა-ქუხილის დროს). მაგრამ თამაშის დროს ჩნდებიან მოხეტიალე ვამპირები - ჯეიმსი, ვიქტორია და ლორანი, რომლებიც არ არიან ვეგეტარიანებელბი (ასე საკუთარ თავს უწოდებენ კალენები, რომლებიც არ სვამენ ადამიანთა სისხლს). ისინი გრძნობენ ბელას სისხლის სურნელს და იწყებენ მასზე ნადირობას. კალენები გადაწყვეტენ, გადაარჩინონ ბელა და მოკლან ჯეიმსი. ისინი მალავენ ბელას, მაგრამ ჯეიმსი გამოიტყუებს მას და კბენს, მრავალი წამების შემდეგ. კალენები კლავენ ჯეიმსს, ხოლო ედვარდი არ აძლევს ბელას საშუალებას, იქცეს ვამპირად, გამოსწოვს რა საშიშ შხამს. 

საბოლოოდ ბელა სთხოვს ედვარდს, აქციოს ვამპირად, რაზეც ედვარდი უარს ეუბნება.

"ბინდის საგა: ახალი მთვარე" არის 2009 წლის რომანტიკული, ფანტასტიკური ჟანრის ფილმი, რომელიც დაფუძნებულია სტეფანი მეიერის რომანზე სახელწოდებით "ახალი მთვარე". ეს არის 2008 წლის ფილმის - ბინდის გაგრძელება. მას შემდეგ, რაც "ბინდს" წარმატება მოჰყვა, Summit Entertainment-მა მისი გაგრძელების გადაღება 2008 წლის ნოემბერშივე გადაწყვიტა. ფილმის რეჟისორია კრის ვეიტზი. მონაწილეობენ: კრისტენ სტიუარტი, რობერტ პეტინსონი და ტეილორ ლოტნერი, ისინი ბრუნდებიან ბელა სვონის, ედვარდ ქალენისა და ჯეიკობ ბლექის როლებში. ფილმის სლოგანია "It will be as though I never existed" (ქართულად "ეს ისე იქნება, თითქოს არასოდეს ვარსებულვარ") 

ფილმი ეკრანებზე 18 ნოემბერს გამოვიდა. მან ასევე მესამე ადგილი დაიკავა "ყველაზე შემოსავლიან ეროვნულ პრემიერებს" შორის, "ბნელი რაინდისა და ადამიანი-ობობა 3-ის შემდეგ.

ბინდის საგა: დაბნელება - მესამე ფილმი სტეფანი მეიერის ვამპირული რომანების სერიის ეკრანიზაციაში. იგი ეფუძნება რომანს დაბნელება. ფილმში მთავარ როლებს ასრულებენ კრისტენ სტიუარტი, რობერტ პეტინსონი და ტეილორ ლოტნერი. ფილმის სცენარის ავტორია მელისა როზენბერგი. 

გადაღებები მიმდინარეობდა 2009 წლის 17 აგვისტოდან იმავე წლის ოქტომბრამდე. ბრაის დალას ჰოვარდმა შეცვალა რეიჩელ ლეფევრი ვიქტორიას როლში. 

ფილმი გამოვიდა 2010 წლის 30 ივნისს. საგულისხმოა, რომ ეს არის საგის პირველი ფილმი, რომელიც IMAX-ის ტიპის კინოთეატრებში იქნა ნაჩვენები. გამოსვლიდან ერთ დღეში მისმა შემოსავალმა შეადგინა 30 მილიონი აშშ დოლარი, ამ დროისათვის კი 277.000.000 დოლარამდე შეადგენს.