ამასწინათ ნიუ-იორკ თაიმსში დაიწერა იმის შესახებ, რომ ბოლო იქს-ადამიანებში არ მონაწილეობენ აფრო-ამერიკელები. ავტორი ბრალს დებს ფილმს, რომ მიუხედავად იმისა, რომ ფილმი ეფუძნება ადამიანის უფლებათა დაცვას, რასიზმს და დისკრიმინაციას, ფილმში მაინც არ ფიგურირებს აფრო-ამერიკული რასა. სინამდვილეში იქს-ადამიანების არც ერთ სერიაში არ ფიგურირებენ შავკანიანები.
საერთოდ ‘DC კომიქსს’ ძალიან ცოტა აფროამერიკელი პერსონაჟები ყავს. მაგალითად კლასიკურ, გრაფიკულ ნოველაშიც ‘watchman’-ში, არ არიან აფრო-ამერიკელები. ეს მით უფრო უცნაურია, თუ იმ ფაქტსაც გავითვალისწინებთ, რომ ფილმი ფოკუსირებს ვიეტნამის ომის პერიოდის რამდენიმე სოციალურ პრობლემაზე: ვიეტნამის ომის წინააღმდეგ ბრძოლა, ვოტერგეიტი, პოლიციის ბრუტალურობა და ა.შ.
ასევე ‘DC კომიქსის’ ერთ-ერთი ყველაზე პოპულარული სერია ‘ბეთმენი’, რამდენიმე სოციალურ პრობლემას ეხება: პოლიციის მხრიდან უსამართლობას, ციხის სისტემას, ე.წ. ცივ ომს… მაგრამ ისიც იგნორირებას უკეთებს ისეთ საკითხს, როგორიც არის რასიზმი და დისკრიმინაცია.
შედარებით გვიანი კომიქსის სერიაში ‘the justice leagues: new frontier’, რომელიც ასევე 60-იანი წლების ისტორიულ მონაკვეთს აღწერს, მკითხველს მიუნიშნეს აფრო-ამერიკელ სუპერგმირის არსებობაზე, მაგრამ შემდეგ, რატომღაც შეცვალეს შავკანიანი სუპერ-გმირი თეთრით.
მიუხედავად იმისა, რომ ამერიკაში არსებობენ რეალური შავკანიანი გმირები, მსახიობები და პრეზიდენტიც კი, კომიქსის შავკანიანი გმირი ჯერ არ არსებობს. გავარდა ხმა, რომ შემდეგი ‘wonderwoman’-ის როლს პოპ-მომღერალი ბიონსე შეასრულებს. რასობრივი უთანასწორობის საკითხი წიინ მიიწევს კომიქსის სფეროში, მაგრამ წინ მაინც დიდი გზაა გასავლელი.
|
