მეხსიერების ბარათები და ზოგადად მყარი დისკები დღევანდელ საზოგადოებაში
ერთ-ერთი ყველაზე აუცილებელი საგანია. ეს არა ჩემი აზრი არამედ გლობალური
შემთხვევაა. სულ უფრო და უფრო მეტი ადამიანი ანიჭებს უპირატესობას
მეხსიერების ბარათებს, რათა ტვინი ნაკლებად გადაიღალონ ზედმეტი ინფორმაციის
დამახსოვრებით. როგორც ყოველთვის ამ საკითხით კოლუმბიის უნივერსიტეტი
დაინტერესდა და მან გარკვეული გამოკითხვა ჩაატარა ხალხში.
გამოკითხულთა ნააზრევი გამოქვეყნდა გაზეთ The Telegraph-ში. გაირკვა, რომ
ადამიანები უბრალო რაღაცის გახსენებასაც ერიდებიან, რადგან იციან, რომ მას
საძიებო სისტემაში ამოიკითხავენ. ექსპერტებმა ამ მოვლენას Google ეფექტი
დაარქვეს. ასევე გაირკვა, რომ ადამიანები ადრე თუ თვლიდნენ, რომ მთავარი
ინფორმაციის მატარებელი მათ გარშემო მყოფი ადამიანები იყვნენ, დღევანდელ
დღეს ისინი უფრო მეტად საძიებო სისტემებს ენდობიან, ვიდრე მაგალითად
ნათესავს ან სულაც მეზობელს. ამ გამოკითხვას ხელმძღვანელობდა ბეტსი სპეროუ.
მისი აზრით ისეთი სისტემები როგორიცაა მაგალითად: Google, Bing, Yahoo და
სხვა, ადამიანის ტვინს ხელს უწყობს, რომ მიღებული ინფორმაცია მალევე
დაავიწყდეს. პროფესორმა კიდევ ერთი ცალკე ექსპერიმენტი ჩაატარა, რომელშიც
მონაწილეობას მხოლოდ ჰარვარდის სტუდენტები იღებდნენ. გაირკვა, რომ
ერუდიციის საკითხში ის სტუდენტები, რომლებიც ირწმუნებიან, რომ ინტერნეტში
ნებისმიერ ინფორმაციას იპოვიან, კითხვებს უფრო გვიან პასუხობდნენ, ვიდრე ის
სტუდენტები, რომლებიც საკუთარ ცოდნაზე და მახსოვრობაზე იყვნენ
დამოკიდებულები. ბეტსის თქმით იგი აღიარებს იმ მოვლენას, რომელსაც ინტერნეტ
დამოკიდებულება ჰქვია. ასევე მისი აზრით ჯერჯერობით უცნობია, თუ რა შედეგს
გამოიღებს ადამიანის მუდმივი კავშირი ინტერნეტთან. ერთი მოვლენა უკვე
დადგა, რომელსაც ყველანი კარგად ვიცნობთ. ეს მეგობრების online ხალხით
ჩანაცვლებაა.
|
