შოპენჰაუერი: შური ადამიანის ბუნებრივი თვისებაა, და მაინც, ის ბიწია და უბედურება. მას უნდა აღვიქვამდეთ, როგორც ჩვენი ბედნიერების მტერს და ყოველნაირად ვცდილობდეთ, ჩვენს არსებაში მოვაშოროთ ეს ბოროტი დემონი.

რუსო: იქონიეთ მხედველობაში, რომ არცოდნა არასოდეს არ წარმოშობს ბოროტებას. დამღუპველია მხოლოდ მცდარობა. ადამიანები კი ცდებიან არა იმიტომ, რომ არ იციან, არამედ იმიტომ, რომ თავიანთი თავი მცოდნედ წარმოუდგენიათ.

პლინიუს უმცროსი: ჩვეულება ერთი და იგივე საქმიანობის უნარს გამოუმუშავებს, მაგრამ ნიჭს არ ავითარებს. იგი თვითკმაყოფილებას უფრო შთაუნერგავს ადამიანს, ვიდრე საკუთარი თავის რწმენას.

ჟიულ ვერნი: ცივილიზებული ადამიანები სიმთვრალეში ადამიანის სახეს და იერს კარგავენ.

ლესინგი: ცრურწმენა, რომელშიც ჩვენ აღვიზარდეთ, მაშინაც არ კარგავს ჩვენზე ზეგავლენას, როცა მის რაობას შევიცნობთ.

ლაო ძი: ვინც დაიხშო ყურნი და დაიბრმავა თვალნი, უტანჯველად გალია წუთისოფელი. ვინც ვნებებს აჰყვა და ნეტარებამ შთანთქა, სატანჯველში გალია წუთისოფელი.

ჰერაკლიტე: ზერელე ცოდნა შეცდომისა და შუღლის წყაროა. ძაღლები მხოლოდ უცნობებს უყეფენ.

სენეკა: მე რომ სიბრძნე იმ პირობით შემომთავაზონ, ჩავიკეტო ჩემშივე და იქიდან არაფერი გავუზიარო სხვებს, მე უკუვაგდებდი ასეთ სიბრძნეს.