ჰოლივუდის ვარსკვლავები ანჯელინა ჯოლი და ბრედ პიტი თავს მსოფლიო მოქალაქეებად მიიჩნევენ. ვარსკვლავური წყვილი იმ ქვეყნებში ცხოვრობს, სადაც გადაღებები მიმდინარეობს. კომფორტისთვის კი ფული არ ენანებათ. ამჟამად ბრედ პიტი გლაზგოში იმყოფება და ახალ ფილმში World War Z მონაწილეობს. ანჯელინამ გადაწყვიტა, გადაღებების დროს ბრედის სიახლოვეს იყოს და გლაზგოს მახლობლად ერშირში მდებარე მე-16 საუკუნეში აშენებული კერნიშის კოშკი დაიქირავა, სადაც ოჯახი ბრედის გადაღებების პროცესში იცხოვრებს. პაპარაცები ანჯელინას კოშკის ტერიტორიაზე ხშირად ხედავენ. ჯოლი 6 შვილთან და ძიძასთან ერთად სასახლის მიმდებარე ტერიტორიაზე სეირნობს. კერნიშის კოშკს სულ 18 სტუმრის დატევა შეუძლია. კოშკის სტუმრებს რამდენიმე ათეული მომსახურე პერსონალი ჰყავს. კერშირის ყოველი ოთახი სიმყუდროვით გამოირჩევა და ოჯახისთვის საცხოვრებლად იდეალურია.
|